القاهرة ـ مصر اليوم
يحل المايسترو محمد السعدى، فى الساعة السادسة من مساء اليوم الثلاثاء، ضيفا على برنامج "الراديو بيضحك"، والذى يذاع على الراديو 9090، وتقدمه الإعلامية فاطمة مصطفى.وقالت الإعلامية فاطمة مصطفى فى تدوينة نشرتها على صفحتها بـ موقع التواصل الاجتماعى "فيسبوك" : "بكره حايكون معايا فى الراديو بيضحك على الراديو 9090 ضيف مميز جدا".
فاطمة مصطفى
وتابعت : "أولا هو مميز بالنسبة ليا لأنى بعتبره my god father وأخويا الكبير، وأستاذى اللى اتعلمت منه كتير جدا، وهو السبب الرئيسى بعد ربنا إنى بقيت مذيعة تليفزيون .. دايما بيشجعنى وبينصحنى وحتى على المستوى الشخصى هو من أكتر الشخصيات المحترمة والجدعة اللى قابلتها فى حياتى".
وأضافت : "ثانيا .. الحلقه مميزة جدا، لأنها مع شخص استثنائى جدا مبدع لأقصى درجة .. دايما بيكون جندى مجهول فى أعمال وتغطيات كتير وكان المشرف العام على رحلة نقل المومياوات الملكية اللى انبهرنا إحنا والعالم كله بيها".
وتابعت فاطمة مصطفى: "أنا شوفته من أكتر من سنة، وشوفت قد إيه تعب واشتغل هو وفريق كبير عشان يطلعوا العمل ده بالصورة المشرفة دى .. وشوفت قد إيه كل مرة يتكلم عن الحدث ده يقعد يقول اسم اسم من الناس اللى تعبوا، واشتغلوا لإنه طول عمره بيدى لكل إنسان تعب حقه".
واختتمت مذيعة الراديو 9090: "بكره الساعه ٦ مساءا حاتسمعوا لقاء من أهم اللقاءات اللى عملتها مع الاستاذ المبدع المايسترو محمد السعدى ".
قد يهمك أيضًا :
أبوالليف يكشف تفاصيل البومة الجديد لـ"روق يومك " على الراديو 9090