كشف الناشط القبطي مينا منسي سر انسحاب رجل الأعمال نجيب ساويرس من سوق الاتصالات المصري، مؤكدًا أن الرجل كان يعلم بدخول لاعب جديد إلى السوق دون قواعد .

وقال "منسي" في تدوينة عبر حسابه بـ"فيسبوك" : "مهو لما امبارح يتم تخفيض قيمة شحن الكارت في شركات المحمول التلاتة، و تاني يوم تنزل الشركة الجديدة بعرض بتقول فيه إنك هتستفيد بقمية الشحن كاملة، يبقى الموضوع مترتب مسبقًا عشان الشركة الجديدة، واللي ورا الشركة الجديدة ياخد حصة من السوق بالعافية وفي أسرع وقت وبأقل منافسة، وبناء عليه لو عايز تبوظ اللعبة دي كلها تقاطع الشركة الجديدة نهائي وتقلل استهلاكك من المحمول في الشركات التلاتة، وبكدة تبقى قلبت الترابيزة في وش الكل"
وأضاف: "أي هري تاني ملهوش معنى لأن ببساطة اللعبة كلها متظبطة باتفاق بين الشركات التلاتة وبين اللي ورا الشركة الجديدة، سواء بمزاج الشركات التلاتة أو غصب عنهم، وإلا هتطلع قرارات جديدة تنفخهم وتخسرهم، ساويرس مكنش أهبل لما باع موبينل لإنه قاري الملعب كويس وعارف إن بمجرد دخول اللي ورا الشركة الجديدة في سوق الاتصالات المحمولة محدش هيعرف يكسب، وهيدخلوا السوق عافية بلوي الدراع وهيحتكر السوق وعاجبك عاجبك مش عاجبك اخبط دماغك في الحيطة، من موقعي هذا لا هتصل بـ 015 ولا هرد على تليفون 015 .. وتحيا مصر" حسب تعبيره.