شن عدد من مستخدمي مواقع التواصل الاجتماعي، هجومًا على المشاهير، الذين يقيمون عقد قرانهم بساحات المساجد الشهيرة مثل: الشرطة والمشير طنطاوي، ولا يحترمون حرمتها بسبب ظهورهم بفساتين جريئة، وذلك بعد احتفال البلوجر دينا داش شقيقة الفنان الشاب أحمد داش بحفل زفافها أمس.

وكتبت شيرين خالد علام إحدى مستخدمات موقع التواصل الاجتماعي "فيس بوك": "هو أماكن الفوتوسيشن قصرت معاكم في إيه عشان تتجرأوا ع المساجد بالمنظر دا.. الموضوع بيزيد بطريقة مخجلة بجد لازم يكون في رد ع المنظر دا..الناس بدأت تتعود عليه وشايفنه كيوت وجميل".

وتابعت: "تعديل بس عشان اللي بيقول دي قاعة جمب المسجد أنا دورت لقيت دي ساحة المسجد وساحة المسجد طالما محطوطة بنفس السور فهي جزء من المسجد.. وكمان تأملوا الصور وشكل المأذن وتخيلوا تطبيع الموضوع وانتشاره بعد ما كان السياح بيقلعوا الجزم ويلبسوا طرح وهما داخلين المزارات الإسلامية بقينا إحنا المسلمين متهاونين في حرمة المسجد بالمنظر دا.. وساعتها مش سهل نوضح لا ياجماعة قاعة جمبه.. فنتقي الشبهات ونعظم المساجد ومانشجعش إنها تبقي بيزنس والأماكن دي يتم مقاطعتها وانتقادها نقد لاذع عشان ماتنتشرش".

فيما كتبت أسماء أبو الخير: "من رأى منكم منكرا فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان"
الصورة دي مش حلوة، الصورة دي مش بتعبر عن الحب.. الصورة دي مش الله وإيه الجمال ده..الصورة دي مينفعش نعملها شير..بصي إلبسي اللي انتي عايزاه ومحدش فينا كبير على المعصية وكلنا عندنا من الذنوب مايكفي لانشغالنا بنفسنا ف مش قضيتي خالص لبسك ولا حتى قضيتي جوزك وموقفه".

واستكملت: "أنتوا أحرار.. بس مش أحرار في انتهاك حرمة بيت ربنا..الدنيا مش هتقف لو أحترمتوا المكان اللي أنتوا فيه ومتصورتوش بالمنظر ده ومأذنة المسجد هي خلفية الصورة.. لأن مأذنة المسجد دي بتعبر عن المسلمين والإسلام ف أكيد مش دي الصورة إللي بتعبر عن الإسلام ولا ده الشكل اللي المسلمين بيدخلوا المسجد بيه".

وأضافت: "في أجانب مش مسلمين أصلًا وحياتهم منفتحة أكتر مننا مليون مرة ولما بيدخلوا المسجد بيحطوا حجاب على راسهم احترامًا للعقيدة ولحرمة المكان، كفاية مجاهرة بالمعصية وفخر وتطبيل احنا كلنا فينا العبر بس المفروض ندعي ربنا بالهداية ونستتر مش نشجع غيرنا على الغلط وننسى إن في حاجة اسمها دين وأخلاق وحُرمات.. اتقوا الله في إللي بتنشروه وبتشجعوه وبتدعموه".

وكانت البلوجر دينا داش قد أثارت جدلًا واسعًا على مواقع التواصل الاجتماعي، عقب ظهورها أمس في حفل زفافها مرتدية فستانًا أبيض قصيرًا "فوق الركبة"، مع بعض الحركات الرومانسية التي فعلتها مع زوجها محمود أبو الغيط أمام ساحة المسجد، مما اعتبره كثيرون إهانة لحرمته.

قد يهمك ايضا

أحمد داش يُوضِّح أنّ مُشاركة محمد رمضان في مسلسل "البرنس" ممتعة

دينا داش تحتفل بزواجها في حضور أسرة العروسين