شارك النجم والفنان المصري تامر حسني، جمهوره ومتابعيه دعمه وتضامنه اتجاه الشعب الفلسطيني وفي قطاع غزة الذين يعانون من الحصار والعدوان الإسرائيلي، عبر حسابه الشخصي على موقع التواصل الاجتماعي «انستجرام».

وكتب تامر من خلال حسابه الشخصي تويتر: "في الوقت ده ناس كتير إيمانها بربنا ممكن يتزعزع  أو ينهار ويقولوا طب ربنا فين مش هرد بالآيات والأحاديث عشان في ناس احق مني يتكلموا بلغة الدين بس انا هرد رد بسيط من واقع الدنيا …  انت لو دخلت فيلم وجالك تليفون فا استعجلت ومشيت في ربعه الأولاني هل تقدر تحكم على نهاية الفيلم  أكيد لأ  يعني متحكمش على حاجة لسة مش خلصانة".

‏وتابع: "طب الدنيا لسة شغالة مخلصتش يعني متعرفش بكرا ربنا شايل ايه متستعجلش وتحكم على الدنيا وانت لسة مشوفتش مرحلة النصر اللي ربنا وعد بيها أصلاً في قرآنه متحكمش دلوقتي حكمك هيكون غلط احنا لسة مكملناش الدنيا للآخر".

وأضاف: "(( يمهل ولا يهمل )) واللي راحوا دول جريوا على الجنة اللي هي الحياة الأساسية حياة الخُلد راحوا دار الحق ومشيوا من دار الباطل يا جماعة الدنيا دي ولا حاجة دي دار باطل فيها الشر والكره والحقد والظلم .. لكن الناس دي راحت لحياة كلها حب وخير وسلام وفرح ولما في الآخرة نشوف  كل حد كانت حياته صعبة ومليانة معاناة ازاي ربنا كافأه على صبره وتحمله من كل اللي شافه وكرمه بأجمل نعيم الجنة هنقول ((ياريتنا كنا احنا )) الصبر يا جماعة والثقة في وعد ربنا  … الدنيا دلوقتي وسكان الأرض  انقسمت ٢ ناس إيمانهم راح وناس اتمسكوا بعقيدتهم اكتر ودول أول ناس كسبوا معركة الدنيا ….. ثقوا في كاتب الدنيا العظيم انكم لازم هتسقفوا في النهاية من حلاوة نصره وهو بينصر المظلوم بمعجزة من عنده تتحقق في الوقت المناسب اللي يعلمه هو مش إحنا  والله والله والله  لازم يبقى معندناش شك نهائي في رحمته وفضله اكسبوا المعركة يا جماعة اوعوا إيمانكم بربنا يتهز احنا كلنا أصلاً عايشين في اختبار ولازم ننجح فيه .. إن شاء الله هتشوفوا بعنيكم أكبر رد من ربنا  كما وعد في قرآنه الكريم  (( ثقوا في الله )) إن وعد الله حق ".

قد يهمك أيضــــــــــــــــًا :

تامر حسني يدعو جمهوره للتبرع للهلال الأحمر من أجل غزة

تامر حسني يدعو بقوة لدعم ضحايا غزة