على هامش حفل "كاسيت 90" الذي أقيم مساء أمس (الجمعة) ضمن فعاليات مهرجان "العالم علمين" تحدث الفنان محمد فؤاد للمرة الأولى عن تفاصيل إصابته بالعصب السابع، بجانب الكشف عن رأيه في كلمات الأغاني الحالية.

في السطور التالية نقدم لكم أبرز تصريحات محمد فؤاد لجمهوره على المسرح

- يوم فرح ابني عبد الرحمن حد حسدني وقالي على الجاكت بتاعي إنه حلو مع إني مستلفة بعديها اتلوحت.

- إن شاء الله هبيع الجاكيت بأغلى سعر وهتبرع بالفلوس لصالح مستشفى 57357.

- علموا أولادكم يسمعوا الأغاني الحلوة عشان ربنا يحبنا.

- الكلام الوحش سهل يتعمل بس كنا بنخاف من ربنا، جيلنا كان بيخاف ربنا عشان منطلعش جيل وحش منحرف.

- ربنا هيحاسب كل مطرب على اللى بيغنيه.

- أهم حاجة الجمهور اللي بيشوفك يحبك عشان الكلمة.

- دلوقتي بقى في غل وحقد، عشان كده بشكركم وبشكر مُساندتكم لجيلي.

يُذكر أن حفل "كاسيت 90"، ضمت بجوار محمد فؤاد، كلًا من: إيهاب توفيق وهشام عباس، وحميد الشاعري، خالد عجاج، حيث قدموا باقة من أجمل أغانيهم المميزة.

وكان محمد فؤاد، قد أصيب بالعصب السابع، عقب احتفاله بحفل زفاف نجله، حيث ظهر خلال تقديمه واجب العزاء في الدكتور محمد علي محجوب، وزير الأوقاف الأسبق، وعلامات المرض على وجهه، وطمأن جمهوره في تصريحات صحافية عقب خروجه من العزاء قائلاً: "أنا كويس طول ما أنتم كويسين".

قد يهمك أيضــــاً:

محمد فؤاد يعلن تبرعه بجاكيت لمستشفى 57357 خلال حفله في العلمين الجديدة

محمد فؤاد يتحضّر لحفلات الصيف رغم إصابته بتلف في العصب السابع