القاهرة ـ مصر اليوم
كشف الفنان أحمد حلمي عن بداياته في برامج الأطفال، قائلا إنه دخل مبنى التلفزيون بالصدفة.
وأضاف في لقائه مع الإعلامي محمود سعد في برنامج sold out على قناة cbc :«أنا دخلت التلفزيون والمبنى ده كان بالنسبة لي غامض دخلته بالصدفة، قابلت واحد صاحبي كان بيشتغل في التلفزيون دفعتي، وكان خريج قسم ديكور، لكن كان بيشتغل في الإخراج، وأنا كنت بشتغل في الدعاية والإعلان فقالي ما تيجي تشتغل في التلفزيون».
وتابع: «روحت قابلت مدام سناء منصور كانت ماسكة القطاع الفضائي، ومعرفتش أقابلها أول مرة، وبعدين قابلتها في ميعاد آخر، وقلت لها عايز أشتغل في الإخراج فوافقت».
وأوضح: «عملت كمساعد مخرج لبرنامج أطفال، لغاية مرة في أوردر تكلمت مع طفل حوالي نصف ساعة، فطلع الإنترفيو حلو جدًا، وقدمته لمدام سناء منصور فشافت اللي إحنا عملناه، وكنت خايف جدًا من رفضها، شافت الشريط وقعدت تضحك كتير وطلبت مني نعمل 30 حلقة من الفكرة دي».
واستطرد: «فقلت لها مين اللي هيقدمه؟ قالت لي محدش هيقدمه غيرك وقدّمت البرنامج».
قد يهمك أيضــــــــــــــــًا :