اشتعلت خناقة كبيرة علي السوشيال ميديا بين الفنانة ياسمين عبد العزيز والفنانة ريهام حجاج بعد اختفائها لمدة عام منذ زواج ريهام بطليق ياسمين رجل الأعمال محمد حلاوة.بدأت الأزمة الجديدة بينهما بعدما عرض برومو حلقة ريهام مع المذيعة بوسي شلبي مؤخرا حيث اشتعلت الحرب الكلامية بينهما مرة أخري.كانت الفنانة ريهام حجاج تحدثت في لقاء قائلة: "إن شاء الله الـ بيبي يجي وينور الدنيا". وعن خلافها مع ياسمين عبدالعزيز قالت: "كل الأطراف الآن تزوجوا ولا توجد مشكلات. ومحدش شايف الحرب دي غير جمهور السوشيال ميديا. محبتش أطلع رد وقتها لأن هي مش حاجة غلط أو حاجة مخلة بالآداب". وتابعت: "هذه الزيجة تسببت لي في ابتزازات من البعض وزعلت ناس كتير".

الأمر الذي جعل ياسمين ترد علي الحلقة قائلة "تخيل انا حارقلك دمك من غير ما أعملك حاجة مابالك بقا لو عملت؟ الصمت مش ضعف الصمت قوة". وقامت بنشر صورة لزوجها الفنان أحمد العوضي "سيف الخديوي" ولفتت بها الانظار وكتبت علي الصورة علي الله حكايتكم ياجوز حرابيق.وفي ظل اشتعال الأزمة ظهر "وائل" شقيق الفنانة ياسمين عبد العزيز ليشعل الجدل من جديد. عن طريق نشر بوستات عبر صفحته الشخصية علي "الفيسبوك" قائلا: "ياسمين نجمة كبيرة والوحيدة في جيلها اللي ليها شباك تذاكر في سينمات الوطن العربي. والأعلي أجرًا.. وده شيء يعلمه جيدًا سوق الدراما والسينما في أنحاء الوطن العربي .. أفلامها محترمة بيدخلها كل العائلات بأطفالهم مش هتلاقي كلام جارح للمشاهد وبتراعي ربنا في اللي بتقدمه للناس .. وأنا أظن أنها سعيده في حياتها وفي قرارتها مؤخرًا".

وتابع: "وأظن أن الطرف الثاني سعيد بردوا في حياتهم .. وأخيرًا أتمني أن كل الأطراف يركزوا في حياتهم وشغلهم بعيدًا عن المهاترات اللي مالهاش أي لازمة. لأن هيظهر ناس كتيرة عايزة تاكل عيش من ورا الحواديت والحوارات.. وأتمني نرجع نقفل علي نفسينا تاني زي زمان ونبقي مبنعملش حاجة غير شغلنا وننبسط بنجاحاتنا والباقي من عمرنا نعيشه بسعاده وسلام".وعاد للرد مره أخري برسالة لشقيقته: "ربنا سبحانه عز وجل معاكي وانا فضهرك ومعاكي بكل ما أملك من صحة وقوة لحد آخر يوم في عمري وافديكي بحياتي لو حد مسك بشيء مش كلام وانتي حافظاني".

والغريب أن ابنة طليق الفنانة ياسمين عبد العزيز تخرج عن صمتها وترد عليها لتقول : "إوعي تدّعي حاجة مش فيكي. أنت عمرك ما كنتي كويسة مع حد. أنت اللي خطفتي بابانا مننا من 17 سنة. وكانت أمي علي ذمته وحاولتي طول الـ17 سنة تقطعي علاقتنا ببابانا وحاربتينا وأذتينا كتير".وأضافت: "الناس العادية مش عارفة حاجة بس الناس اللي حوالينا عارفين كل حاجة. يا ريت تبطلي أذي بدل ما نعرف الكل. إنتي اللي قاطعانا عن أخواتنا من يوم ما اتولدوا. وكفاية اللي عملتيه في شرم الشيخ من شهر معايا قدام الناس كلها".واختتمت حديثها قائلة: "عيب وكفاية وبطلي تظهري بصورة مش حقيقتك".

قد يهمك أيضا:

لقطة رومانسية تجمع ياسمين عبد العزيز واحمد العوضي تشعل انستجرام
احمد العوضي يدعم "ياسمين عبد العزيز" ضد كيد النسا ب "بحبك يا عالمي"