القاهره - مصراليوم
كشفت الفنانة نادية الجندي، سرَّ رفضها الزواج من عدد من الفنانين، مؤكدة أنها رفضت عدة عروض للزواج من الوسط الفني.الزواج من فنانين وأضافت خلال الجزء الثاني من لقائها ببرنامج "كلام الناس" المذاع على قناة "إم بي سي مصر": "رفضت الجواز من فنانين علشان عايزة أقفل الباب، أنا عايشة للفن فقط".وعن علاقتها بطليقها المنتج محمد مختار، أكدت: "هو مكنش مجرد زوج فقط، ولكن عِشرة وتاريخ وأعمال ونجاح وتحدى وهبوط وطلوع وزوج وقصة كبيرة، وشوفنا مع بعض تحديات ونجاح كبير، فمش بسهولة السنين تروح كده وإحنا لسه علاقتنا ببعض قوية حتى بعد الانفصال".
وكشفت الفنانة نادية الجندي، في الجزء الأول من نفس اللقاء، حكاية الرواية التي حكاها الزعيم عادل إمام بعد وقف فيلم 5 باب من العرض في دور السينما: "فضلت ترش ملح خوفًا من الحسد لحد لما الفيلم نزل واتوقف".
تعرض فيلم "5 باب" للحسد
وأوضحت نادية الجندي ضاحكة: "لأ مش طبعًا مش زي قال عادل إمام، متوقفش من الحسد، ولكن فيلم "5 باب" اتوقف بفعل فاعل".
خطة كيدية
وأضافت: "الحسد في فيلم "5 باب" حاجة تانية خالص لها علاقة بحاجة كيدية مدبرة علشان يتمنع الفيلم من دور العرض، وإزاي عادل إمام ونادية الجندي والعزيم فؤاد المهندس يجتمعوا في عمل واحد".
تدخل وزير الثقافة لوقف الفيلم
وأكدت: "الفيلم كان اتعرض 10 أيام في دور العرض والأمن المركزي نزل في ميدان الأوبرا من الخوف لأن كان هيحصل ثورة على الفيلم من الزحام والجماهير لأنه كان مكسر الدنيا، وبعد ما نشوف نجاح العمل لقينا وزير الثقافة وقتها راح مضلم الدنيا، وده تعبني نفسيا وقتها قلت مش هشتغل تاني خلاص ومش همثل تاني".
أزمة نفسية لنادية الجندي
وتابعت: "تعبت نفسيًّا لما الفيلم اتوقف وقلت مش همثل تاني لأن دي قضية كرامة وفيه ظلم وقع عليا بوقفه من العرض، إزاي أكون أخدت 5 تصريحات من الرقابة ومشيت في الطريق القانوني ويجي وزير الثقافة وقتها يمنعه علشان كده قررت وقتها اعتزال التمثيل".
عودة نادية الجندي بفيلم الخادمة
ولفتت: "المخرج أشرف فهمي كان جايبلي فيلم "الخادمة" قلت له مش هشتغل تاني خالص بعد وقف “5 باب” وهبطل تمثيل، فقاللى إنتى أفلام وتاريخ ومتخليش حدث زي ده يوقف مسيرتك وحفزني إنى أرجع تاني وفعلًا نزلت صورت "الخادمة" وكسر الدنيا وحقق نجاح محصلش على المستوى الجماهيري والنقاد ".
مسلسل سكر زيادة
وأشارت: "اللى حمسني أعمل "سكر زيادة" مع نبيلة عبيد أن العمل كوميدي ومختلف، وفيه كمان النجمة العظيمة سميحة أيوب، وقلت فكرة جديدة، وكل القنوات العربية اشترته بأعلى سعر، وحقق نجاحا ماليا كبيرا للمنتج".
خلاف نبيلة عبيد
وعن خلافها القديم مع نبيلة عبيد، علقت نادية الجندي: "أنا مش بشيل في قلبي حاجة وحشة وبسامح، حتى لو كان فيه خلاف ما مع نبيلة عبيد زمان، ومعنديش مشكلة وبسامح".
قد يهمك أيضــــــــــــــــًا :
نادية الجندي تثير الجدل بعد ظهورها بالحجاب
نادية الجندى تهنئ الأمتين العربية والإسلامية بحلول شهر رمضان