تحدثت الفنانة دينا الشربيني، عن الشائعات التي طالتها خلال السنوات الماضية بشأن خطفها زوج صديقتها كما زعم الجمهور من قبل، موضحة أن هذا الأمر ليس حقيقي وأنها امتنعت عن الرد لمدة عامين.وقالت الشربيني، خلال حوارها مع الإعلامي أنس بوخش، في برنامج AB TALKS المذاع عبر موقع يوتيوب: في فترة طويلة أوي مثلًا سنتين في حياتي، مش عايزة احكي القصة ولكن هقول الكلام اللي بيتقال، كان الناس بتقول إني أخدت حد من حد.. ده مكنش حقيقي خالص، والوقت ده صحابي قالوا لي قولي إن الموضوع ده كان خلص من سنين طويلة وإن مفيش حاجة، ولكني قررت متكلمش.

وأوضحت دينا قائلة: مش حياتي لوحدي ومكنتش هقدر أطلع اتكلم عن حياة أشخاص، إحنا كنا مع بعض ومش على رأسي بطحة لأرد على تلك الشائعات، مع إني عارفة إن في ناس كتير كرهوني بسبب الموضوع ده اللي هو مش حقيقي.وأضافت الشربيني: أنا في حياتي عمومًا بسيب اللي يتكلم يتكلم، وناس كتير بتقولي ده غلط، وإني محتاجة أطلع أتكلم، أنا مش عايزة أعمل كده، ولا أركز مع الحاجات القديمة، أنا عايزة أركز في شغلي وأهلي والناس اللي بحبهم، هما دول اللي فارقين ليا وهما دول اللي عارفين دينا تعمل إيه ومتعملش إيه.

قـد يهمك أيضأ :

قائمة الممثلين المشاركة في مسلسل آخر دور

دينا الشربيني الأكثر تداولًا على "تويتر" مصر