كشفت الفنانة هنا الزاهد تفاصيل مثيرة عن زواجها من الفنان أحمد فهمي وطلاقها منه، مؤكدةً أن الطلاق لم يحدث بشكل مفاجئ، بل سبقته أحداث كثيرة جعلتها مؤهلة لفكرة الطلاق، موضحةً خلاصة تجربة طلاقها، والدروس التي تعلّمتها من هذه التجربة.

وقالت هنا خلال استضافتها في برنامج "صاحبة السعادة" الذي تقدّمه الفنانة إسعاد يونس: "الزواج بالنسبة لي، لا أستطيع أن أتخيل شيء فيه اسمه طلاق، عمري ما أتخيله، أنا حساسة جداً، ولو كان الطلاق تم بشكل فُجائي كنت هتعب، لكن ربنا مهّدها لي بثمانية شهور، أنا شخص روتيني، لا أحب تغيير نمط حياتي، ماينفعش الحياة مرة واحدة تختلف، ولو رجع بي الزمن، مش هقول لأ، هدخل التجربة دي وأتعلّم منها".

وأضافت: "رسمت عن الزواج صورة مثالية وفراشات وأسرة وأبناء، أنا بحب الأطفال جداً، لكن الواقع كان مختلف تماماً، الواقع كان عكس ما حلمت بيه، وفي الآخر الزواج قسمة ونصيب، الحياة كلها صعود وهبوط، ومش أي حد تصدّقيه ومش أي حد تدخّليه بيتك، ماتبقيش ماشية بعبط، عشان دايماً بحس إن اللي قدامي هيتصرف زيي، لحد ما يثبت العكس، وكنت بحكي أوي عن اللي بيحصل بحسن نية، بس اللي قدامي مكنش كده".

واختتمت هنا الزاهد حديثها بالقول: "واكتشفت إن الزواج ليس رجل وامرأة فقط، دي عيلة، بعد كده بقيت أفكر أنا بعد كده أبصّ للعيلة، مافيش حاجة لوحدك، في اتنين بيحبّوا يقفلوا الدنيا على بعض وفي ناس بيخلّوها سداح مداح، أنا بحب الدنيا تبقى متقفلة، أه طبعاً لما يبقى في حد في حياتي هحترم أهله أوي، بس ما يبقاش التدخلات زيادة، أحب البيت يبقى مقفول علينا".

 قـــد يهمــــــــك أيضــــــاُ : 

 إسعاد يونس تحتفل بتصدر حلقة هنا الزاهد الترند

هنا الزاهد تكشف عن مواصفات فتى أحلامها وتوجه رسالة لوالدها