قالت النجمة الشابة يسرا اللوزي إن دورها في فيلم "المحكمة" كان فرصة مهمة لتغيير نوعية الشخصيات التي قدمتها في السنوات الأخيرة.

اضافت: "ما صدقت جالي دور متميز لبنت مسكت فيه وقلت للمخرج محمد أمين هاعمله.. نفسي أبعد تماماً عن أدوار البنت اللطيفة الهادية. وعشان كده بأرفض أعمال كثيرة موضاعاتها حلوة لكن الدور في نفس سكة أدواري القديمة".

وتقول يسرا اللوزي: تحمست أكثر أن فيلم "المحكمة" عبارة عن 8 أفلام قصيرة.. كل قصة لها مجموعة أبطال وحدوتة هايلة.. يعني كل مجموعة مننا بتشتغل علي قصة وكلنا عايزين تبقي الحدوتة بتاعتنا هي الأقوي جوه الفيلم.. فكرة البطولة الجماعية دي هايلة أوي لأنها تضمن جذب عدد كبير من الجمهور لأن كل ممثلة أو ممثل ليه "الفانز" بتوعه.

فيلم "المحكمة" يشارك في بطولته كل من صلاح عبدالله. فتحي عبدالوهاب. غادة عادل. نجلاء بدر. جميلة عوض. أحمد خالد صالح. مايا السيد. 

عن مشاركتها في اعلانات التوعية تقول يسرا اللوزي: أي حاجة فيها خدمة للناس والمجتمع بشكل لازم أتواجد فيها.. خاصة لو ليها علاقة بمشكلة مريت بيها.. تحديداً ضعف السمع الذي ولدت به ابنتي الأول لانها كانت تجربة قاسية جداً وأنا كنت حريصة  أن كل أم إزاي تراقب ضناها من أول لحظة يخرج فيها للدنيا عشان يكبر وهو متمتع بكامل صحته وحواسة.

قـــــــد يهمك أيضأ :

وفاة والد الفنانة يسرا اللوزي

يسرا اللوزي في صدمة بعد رحيل والدها