استغاث الفنان عزت أبوعوف بالرئيس عبدالفتاح السيسي، بعد ارتفاع أسعار فواتير الكهرباء، موضحًا أن فاتورة الكهرباء الخاصة بمنزله عن شهر واحد فقط بلغت 13 ألف جنيه.

وكتب أبوعوف، على حسابه الشخصي على موقع التواصل الاجتماعي "فيسبوك": "انتم عارفين إني من أكبر المشجعين للرئيس السيسي، لكن لما توصلني فاتورة كهرباء عن شهر واحد لبيت ساكن فية ٣ انفار (أنا ومراتي وابني) ومعندناش لا ضيوف ولايحزنون بمبلغ 13 ألف جنيه، فلازم أسأله، إيه اللي بيحصل ده ياريس؟ ده أنا لو مصنع مش حاخد بـ13 ألف جنيه كهرباء".

وتابع "أبوعوف": "بسأل المحصل قالي ما حضرتك ساكن في بالم هيلز! ياسلام، هو اللي ساكن في بالم هيلز ده لازم يبقى أوناسيس مش ممكن يعنى يكون مفلس ومعهوش 13 ألف جنيه، مش عارف أقولك إيه يا ريس لكن الحقنا أرجوك".