اعترفت النجمة نجلاء بدر بأن كل من ارتبطت بهم عاطفيا هم من تركوها ولا تعرف السبب ولكنها أشارت لفشلها الدائم في وضع كلمة النهاية، كما تحدثت عن تعرضها للضرب والخيانة في بعض علاقاتها العاطفية أثناء حديث مطول مع النجمة يسرا ببرنامج "كلام في الحب".

وقالت نجلاء بدر: كل علاقاتي أنا اللي بتساب فيها، مش بعرف آخد قرار، وكنت دايمًا أقول لنفسي اللي أعرفه أحسن من اللي ما عرفوش.وتابعت: زمان كنت بستحمل الأذية، وفي مرة اتضربت من شخص كنت مرتبطة به، وكملت معاه وفي مرة تاني اتخانت وكملت معاه، فجالي انهيار عصبي وأصيبت باكتئاب حتى نصحني والدي بالذهاب لطبيب نفسي.

وقالت: كليتي تعبتني والمرض النفسي أثر على كليتي، لأن المرض النفسي بيأثر على الصحة وكل الهرمونات بتبوظ وكل الأمراض بتخترق الجسم.وواصلت قائلة: دلوقتي مفيش عندي حاجة تستاهل، الحاجة الوحيدة اللي أزعل فيها الموت، لو سبتي واحد هتشوفيه بعد يومين مع واحدة تانية اتطعمنا ضد الحاجات دي خلاص.

ووصفت نجلاء بدر زوجها الحالي بالشخص المختلف قائلة: محمد دا حاجة تاني"، ولما سألتها يسرا عن السبب، أجابت أنه جمع ما بين القلب والعقل، وملأ كل حياتي، فشعرت أن مفهوم الحب معه مختلف عن كل الذين سبقوه.وأشارت نجلاء بدر، إلى أنها تفضل في العلاقات الحب الأخير عن الحب الأول.

قد يهمك أيضــــــــــــــــًا :

نجلاء بدر تكشف كواليس دورها في «النهارده يوم جميل»

إشادات بأداء نجلاء بدر خلال أحد مشاهد فيلم «المحكمة»