علقت الفنانة عبير صبري على حادثة محاولة سائق أوبر خطف فتاة وتعدى عليها جنسيًا بمنطقة مدينة نصر، موضحة أنها تُطالب بتشديد الرقابة على شركة أوبر والعاملين بها.

عبير صبري تهاجم شركة أوبر
وأطلقت عبير صبري عبر صفحتها الشخصية على «فيسبوك» حملة تدعو فيها لإلغاء تطبيق «أوبر» وكتبت: «أنا عايزة نعمل حملة عشان نقاطع أوبر، أرجو إنك تساعديني في نشر البوست بتاعي وطلبي أن البنات في مصر تعمل حملة لإلغاء الأبليكيشن ده لأنه أصبح خطر علينا كلنا وممكن أي بنت وست فينا تتعرض لنفس مصير حبيبة والبنت بتاعت النهارده وغيره».

وأضافت: «ضرورة إحكام الرقابة على السيارات والعاملين في الشركة من خلال تركيب كاميرات مراقبة لمتابعة الرحلات، هي شركة أوبر دي مسؤولية مين؟.. يعني اللي بيشغلهم مين.. الكبير بتاعهم مين؟؟.. هل هما شركة بتشتغل مع نفسها كده بيزنس خاص يعني..وإذا كان كده فين الرقابه عليهم؟ مفيش رقابة عليهم ليه».

عبير صبري تطالب بالرقابة على شركة أوبر
وتابعت: «ليه مفيش كاميرات في العربيات دي زي دبي في أي تاكسي ولا البنات هتفضل كل يوم يخطفوهم ويموتوهم ويتحرشوا بيهم ويعتدوا عليهم ويغتصبوهم ؟.. ازاي مفيش حل مع المجرمين دول لازم السواقين دول يكونوا تحت مسؤولية وزاره الداخلية أقل شيء بعد الجرائم المتكرره دي ارجو أن تتضامن النساء في مصر للمطالبة بغلق هذا الابليكيشن».

وكانت سيدة بالقاهرة قد تعرضت لمحاولة اغتصاب والتعدي عليها بسلاح أبيض من سائق بشركة أوبر، أثناء استقلالها سيارته من مدينة التجمع الخامس إلى الشيخ زايد، حيث اتهمت السائق بأنه توقف بها بدائرة القسم، وحاول التعدي عليها جنسيًا تحت تهديد السلاح وأحدث إصابتها، وتجري النيابة التحقيقات في الواقعة.

 

   قـــد يهمــــــــك أيضــــــاُ : 

أول تعليق من عبير صبري بعد وعكتها الصحية

عبير صبري بأول تعليق على أزمتها الصحية