أعلنت الفنانة رانيا يوسف، أنها أصبحت لا تهتم بالانتقادات والتعليقات السلبية التي تتلقاها حول إطلالاتها الجريئة بشكل مستمر، مستكملة: "في الأول كنت بضايق أوي من أي حد يشتم، حاليا بضحك عشان رأيه مايهمنيش خالص".وأضافت رانيا، في تصريحات لها مع برنامج "theinsiderar" عبر فضائية "دبي"، "اللي بيشتموا دول بيفرغوا مشاكلهم بالشتيمة في الفنانين، وربنا يشفيهم، وفي حاجات تافهة كتير مش لازم نقف قصادها، إحنا أكبر من كده".وتابعت: "السوشيال ميديا اللي ياخدها على أعصابه أوي ممكن يجيله اكتئاب وينتحر بسبب التعليقات السخيفة والمريضة، الموسيقار محمد عبد الوهاب له مقولة عظيمة بتقول: (لو كل واحد يضربني طوبة هقف عنده هقع، لكن أنا هاخد الطوب ده كله وأقف عليه وهبقى محمد عبد الوهاب)، وأنا كل التعليقات السلبية دي هاخدها كده وأحطها تحت رجلي وهقف عليها".

قد يهمك ايضا

رانيا يوسف تواصل إثارة الجدل في مهرجان الجونة السينمائي

رانيا يوسف تعلق علي فساتينها المثيرة