القاهرة - مصر اليوم
تحدث مصطفى كامل عن آخر تطورات حالته الصحية، بعد دخوله المستشفى مؤخرًا، نتيجة لإصابته بأزمة عصبية حادة.
آخر تطورات الحالة الصحية للفنان مصطفى كامل
وقال الفنان مصطفى كامل خلال مداخلة هاتفية لأحد البرامج مساء اليوم: الحمد لله أنا في البيت اللي حصل معايا بحكي لنفسي قبل ما أحكي وأحكي للناس عشان أقول لهم لا داعي لأي توتر في الحياة قل لن يصيبنا إلا ما كتب الله لنا الحياة مش مستاهلة جري أكتر من اللازم أنا من الناس اللي معروف عني إني دؤوب ودايما زوجتي تقولي كتير كده وكل أصحابي بيقولولي دايس على نفسك.
كواليس إصابة مصطفى كامل بأزمة عصبية
وأضاف مصطفى كامل: اليوم ده أنا نازل رايح والموزع باسم منير عشان ندخل أغنية تاني يوم عشان بدري عشان الصيف وأنا نازل حست أني تعبان قالتلي خلاص ما تنزلش قولتلها لا الراجل مستنيني عشان نشتغل روحت وأنا قاعد حاسس إن دماغي مش مظبوطة خالص اشتغلت عشان مايدخلش عليا زحمة الشارع الصبح لقيت الساعة ستة وربع.
وأردف مصطفى كامل خلال حديثه: وأنا راجع من عند باسم في ميدان العباسية لقيت والله لحظات سكرات موت روحي اتقبضت عنيه مزغلله مش شايف العربيات كل عربية بقيت عشرين منها وكانت محاولة صعبة أجيب الموبيل من على التابلوه وكلمت مراتي قولتلها أنا بتشاهد وبموت ابعتلي بس ابعتلي ابني عشان متبهدلش بقع من فوق كوبري أكتوبر وأنا جي ومقدرتش بأي حاجة غير وأنا في مستشفى الصفا عملوا رسوم القلب والاشعات والتحاليل إلى أن استدعوا دكتور المخ والأعصاب قالك إني في مرحلة اسمه أزمة عصبية أسوأ بكتير من الأزمة القلبية.
الأعمال القادمة للفنان مصطفى كامل
واختتم مصطفى كامل حديثه عن أعماله القادمة الجديدة، وهي أغنية تحت عنوان منها ألوان الحياة، وهناك أغان جديدة أيضًا خلال فصل الصيف الجاري.
قـــد يهمــــــــك أيضــــــاُ :
مصطفى كامل يطرح أحدث أغنياته "عنوان الحياة" تزامنا مع عيد الفطر