كشف الفنان أحمد مكي عن سبب انضمامه إلى مواقع التواصل الاجتماعي، وكتب، من خلال صفحته عل موقع "فيسبوك": "اللي خلاني أعمل الصفحة دي إني لقيت ناس سألت عليّ لما غبت السنة اللي فاتت، وبيستفسروا أنا اختفيت فين، وكنت حابب أشكرهم على سؤالهم علي لأنه فعلاً فرق معايا نفسيًا وكنت محتاجه قوي".

وأضاف: "بقالي سنه تقريبًا عيان جدًا، كان عندي فيروس ضربلي الكبد والطحال، مكنتش حتى أقدر أشرب بق ميه بسبب الطحال، وكنت في شبه غيبوبة أول شهرين من المرض، عشان الكبد كان عملي خمول، كنت بنام من 18 إلى 20 ساعة في اليوم".

وأكمل حديثه قائلاً: "خسيت فوق الـ30 كيلو، وكنت شبه فاقد الأمل، الحمد لله على كل حال، أنا دلوقتي خفيت تمامًا ووزني زاد تاني، واتعلمت كتير جدًا في الرحلة دي، وكان فارق معايا جدًا سؤالكم عني، حسّيت إن ليا أهل". ويعود مكي إلى الأعمال الدرامية في رمضان المقبل، بمسلسل "خلصانة بشياكة".