رفض الفنان بيومي فؤاد وجود أي مقارنة بينه وبين الفنان الراحل حسن حسني، مؤكداً أن الفقيد ترك علامة كبرى في مسيرة الفن ولا يمكن بلوغ مقامه، وأشار إلى أن وجه التشابه الوحيد بينهما هو عشق الفن والعمل بجد واجتهاد.

أضاف بيومي فؤاد في تصريح لبرنامج “Arab Wood“، "كل الناس اللي بتقول إن بيومي فؤاد امتداد حسن حسني، أو خليفة حسن حسني، بقول وجه التشابه الوحيد بيني وبين حسن حسني إن إحنا الاتنين بنحب الشغل أوي".

تابع بيومي فؤاد: "لكن أنا مين عشان أوصل للأستاذ الكبير رحمة الله عليه حسن حسني، ده بجد وبدون تواضع، الراجل ده الله أكبر عليه".
بيومي فؤاد بطل فيلم أصل الحكاية

وتحدث بيومي فؤاد عن تفاصيل شخصيته في فيلم “أصل الحكاية”، والذي يتعاون من خلاله لأول مرة مع المخرج محمد أمين، وقال: "الفيلم بيدور حوالين عيلة وأسرة، فكل الناس شغالة في وقت واحد.. يبان انها أسرة واحدة زوج وزوجة وكده، لكن هما 3 أخوات ولاد وأخت بنت كبيرة.. هما بيت كبير وطول الوقت عند بعض يعني”.

كما تحدث بيومي فؤاد عن فيلم «وقفة رجالة» الذي عرض في عام 2021، مشيراً إلى أن العمل تعرض للظلم بسبب أنه طرح في دور العرض في وقت سيئ ولم تكن له دعاية كثيرة، وقال: "السينما أحيان كتير حاجات تظلمها برا الموجود في الفيلم، الفيلم نزل في وقت وحش، الدعاية بتاعت الفيلم كانت ضعيفة أوي، وفي وقفة رجالة أنا عملت فضايح واتخانقت مع شركة الإنتاج".

وأضاف: "وكان عزائي إني مش بطلب حاجة ليا، أنا بطلب للفيلم، لو الفيلم جايب 60 مليون، لو اهتميتوا بالدعاية هيجيب 120 مليون".

قد يهمك أيضــــــــــــــــًا :

أول تعليق من بيومي فؤاد على مقارنته بحسن حسني

فيلم "مغامرات كوكو" خارج المنافسة بعد أسابيع في المركز الأخير