فجرت ريم طارق، طليقة مؤدي المهرجانات حسن شاكوش مفاجئة بحذف اعتذارها إليه، ونفت ما أعلنت عنه من انتهاء المشاكل بينهما والحصول على جميع مستحقاتها.

ولفتت في فيديو عبر حسابها الشخصي على إنستغرام أن ما نشرته كان إجباري للحصول على حقوقها، قائلة: "أنا عاملة الفيديو ده علشان أوضح الفيديو اللي انتشر على السوشيال ميديا إني خدت حقوقي فكان إجباري عليَّ إني أعمل الفيديو ده علشان حقوقي، وفعلاَ عملت الفيديو علشان أخد حاجتي".

وأكدت أن الصلح لم يتم بينهما، معلقة: هارجع وأقول إن مفيش صلح حصل وكل اللي حصل كان فيلم ولعبة عليا، مفيش حاجة اتحلت والقضايا زي ما هي، إحنا كنا بنبين للناس إن الموضوع خلص ولا أكتر ولا أقل".

ووجهت ريم طارق حديثها لرضوى الشربيني بعد انتقاد الأخيرة لها، قائلة: "أستاذة رضوى الشربيني قالت أنا آسفة يا حسن هي ممكن عشان هي هاجمته بس إنتي لما وقفتي معايا مكنتش خدت حاجتي كنت خرجت من البيت الساعة 8 الصبح، بعد 5 شهور وبعد ما خدت الحاجة مستكترة عليا إني خدتها؟! والله هو ده المفروض كان يتعمل وده الحاجة الوحيدة اللي المفروض كانت تتعمل إني أعمل فيديو عشان آخد حاجتي وعملته قبل ما أخذها".

ولفتت إلى أنه بعد نشر الفيديو أخل حسن شاكوش باتفاقه في الحصول على حقوقها، لذا تراجعت عن أقولها، مؤكدة على أن القضايا ما زالت قائمة بينهما.

وتابعت حديثها: "كل ما هتفكر تستفزني كل ما هتضطرني إني أعمل حاجة، لو سمحت مترجعش في كلامك؛ لأن في الآخر أنت اللي هتزعل مش أنا، أنت ضحكت عليّا وخليتني أعمل الفيديو مقابل آخد حاجتي، فإحنا حاولنا نصلح، مفيش صلح واعتبر إن كل كلمة اتقالت خلصت وأنا رجعت في اتفاقي".

وأكملت: "أنت مش عايز الموضوع يخلص أنا معنديش مشكلة إنه ميخلصش عادي، أنا مخدتش حقوق مادية، لسه القضايا متنازلناش عنها، هو حب إن السوشيال ميديا تهدى فنزل الفيديو بتاعي".

جاء ذلك بعد يومين من إعلان ريم طارق انتهاء أزمتها مع حسن شاكوش بالحصول على حقوقها بعد الطلاق لتتراجع عن ذلك فيما بعد

قد يهمك أيضــــــــــــــــًا :

حسن شاكوش يرد على اعتذار رضوى الشربيني له

رضوى الشربيني تعتذر لـ حسن شاكوش على الهواء