القاهرة ـ مصر اليوم
كشف الفنان أكرم حسني عن تفاصيل علاقته بوالده وشعوره وقت مرضه، مؤكدًا أنه كان يتمنى له الراحة من الألم في فترة مرضه.
وأضاف، في لقائه مع برنامج «ABtalks»: «وفاة والدي كانت مفاجأة وكان في مرحلة طويلة قبل وفاته نحو 4 سنين بشوفه طول الوقت بيتألم وتعبان والصحة بتتدهور والإدراك ببيتدهور وساعات لما بيحصل أزمات ونروح المستشفى كنت بتمنى له الراحة».
وتابع: «المرض بيضعف وعشان كده أنا عندي خوف من المرض طول الوقت، فالمرض بيخليك شخص ضعيف، وأكيد ماكنش نفسي أفقد أبويا بس مش عايز أشوفه بيتألم أو بيتعذب، ولما حصلت الوفاة ربنا نزل عليا سكينة وطمأنينة أنه دلوقتي مرتاح وفي مكان أحسن، وأنه ارتاح من العذاب اللي كان بيشوفه وكنت متطمن عليه وماكنش عندي حالة الانهيار اللي بتحصل في حالات الوفاة».
وأوضح: «بعدها بأسبوع كملت بروفات مسرحية بدأتها، مفيش حد بينسى أبوه وهيفضل طول الوقت معايا وجوايا، بس ساعات الشغل بيخليك تتجاوز فترة مش ألطف حاجة».
قد يهمك أيضــــــــــــــــًا :
أكرم حسني يكشف عما تعلمه من تجربة طلاقه
أكرم حسنى يحقق 5 .27 مليون جنيه بفيلمه "العميل صفر" منذ طرحه بالسينمات