ردت الفنانة رانيا يوسف على الجدل المثار حول التصريحات المنسوبة لوالدها الضابط السابق سيد يوسف، الذي جاء فيه قوله: "نشأتي العسكرية جعلت رانيا ملتزمة بالتعاليم الدينية والانضباط"، حيث أكدت في لقاء لها مع برنامج ET بالعربي في كواليس تصوير مسلسلها «المماليك»: «الكلام ده ما حصلش خالص والكلام ده موجود على صفحتي على إنستجرام، آه تربيت تربية عسكرية في إنني ملتزمة وأتحمل مسؤولية ومحترمة في مواعيدي وشغلي ولكن ماقلش الكلمة التانية الدينية ماعرفش جابوها من فين بس تمام اللي عاوز يلعب بالكلام كله حيتحاكم وحيترفع عليه قواضي ويتظبط ».

وتابعت: «الفترة اللي جاية عندي محامين ربنا يقدرني عليهم إن شاء الله ويقدرهم على الناس اللطيفة اللي قاعدة فاضية ما وراهاش حاجة غير اللت والعجن وتقويل التصريحات وأنا ما عنديش وقت الحمد لله لده». وعن سبب غيرة البعض منها قالت: «الحمدالله ناجحة ومحبوبة ومتربية تربية عسكرية وأتشرف أنني متربية تربية عسكرية، هذا ما نجحني بهذه المناسبة وأنا محاربة ومافيش أي واحد معدي كده بيهزني». وفيما يتعلق بمسلسل «المماليك» أشارت رانيا إلى أنه مسلسل اجتماعي أكشن مع قليل من الرومانسية ويحكي قصة فتاة اسمها هند العباسي في رحلة صعود مليئة بالمغامرات. وأضافت: «هي قصة من الواقع وحدوتة لطيفة وفيها شخصيات لطيفة واللي عايز ياخد منها رسالة ياخد واللي مش عايز يتفرج وينسبط».

قد يهمك أيضــــــــــــــــًا :

رانيا يوسف تستعرض رشاقتها بفستان جذاب

رانيا يوسف تثير الجدل بـ4 إطلالات خلال عطلتها الصيفية