روى أحمد سمير المصاب في حادث قطار طنطا، تفاصيل الحادث، قائلا:" كنت متوجه مع صديقي المتوفي للعمل في الإسكندرية ولكننا لم نعمل بسبب سوء الأحوال الجوية وقررنا العودة إلى منازلنا ومكنش معايا فلوس وكان معانا 30 جنيه فقط".

وأضاف أحمد سمير في مداخلة هاتفية مع الإعلامي شريف عامر :" اضطرينا إلى ركوب القطار المكيف VIP، لأنه كان الوحيد المتجه غلى القاهرة".

وتابع أحمد سمير:" قلنا لكمساري القطار إننا مش معانا فلوس، وقلت له إحنا كنا رايحين نشتغل في الإسكندرية ولكننا مشتغلناش ورجعنا بالشغل كله ومش معانا فلوس، فقال لنا رئيس القطار هاتوا بطاقات تحقيق الشخصية، وصديقي محمد قال له اعتبرنا زي اخواتك".

واكمل احمد سمير:" رئيس القطار كان بيعلى صوته جامد فينا، ورئيس القطار قال لنا نطوا من القطار بوشكوا، وفتح لنا الباب بيده ، وآخر كلمة قالها محمد «هو القطر ده مفيهوش رجولة وجدعنة ولا ايه يا جدعان"، مضيفا:" قفزت من القطار لأنني خفت من البهدلة".

وأردف أحمد سمير:" بعدما قفزت من القطار مكنتش شايف حاجة لان الدنيا كانت ضلمة، وكنت عايز اتصل بمحمد أطمن عليه ورد عليا أحد الأشخاص وقال لي صاحبك مات"، مضيفا:" أصبت بحالة هيستيريا وكنت عايز اموت نفسي".

وقد يهمك أيضًا:

العثور على زجاجات مولوتوف داخل قطار طنطا ـ القاهرة

تغيير مسار حركة القطارات بعد خروج قطار طنطا عن القضبان في المنوفية