ابوتريكة ضرب شيكابالا

نزل الوالد صباحا متجها الى عمله ....ترجل قليلا قبل ان ينزل السلم ويقطع تذكرة المترو ..من حسن حظه ان وجد مكانا خاليا فجلس ..سمع الحوار التالي بين شابين : "حسام غالي كابتن ولازم يتعامل كويس...ياعم كابتن على مين دا مدربه برضه...مدرب مين ياعم هو اسامه نبيه ده عمل ايه للزمالك ولا لمصر...مش بالعمايل يا باشا  دا مدرب ودا لعيب ...لا عشان ده اهلاوي وحارقكم...الاهلاوي ده قليل الادب ولازم يتربى" ...ارتفع صوت الاثنين ولم يوقفهما سوى صوت القطار الذي توقف ونزل الوالد في طريقه لعمله .
دخل الوالد عمله واذا بزميله يباغته بالسؤال :" شفت الحكم الفاجر..خلص للاهلي الماتش وطرد اثنين ..الاهلى كدة كدة بيكسب بالحكام "..وقبل ان يرد جاء صوت من خلفه : " اهلي مين اللى بيكسب بالحكام يافرقة ما بتاخدش بطولة الا كل عشر سنين..وبعدين انا شفت عاليوتيوب امبارح فيديو بيوضح انكم انتو اللى بتتجاملو "...وقف الوالد محتارا وقال لزميليه: " ياجماعة استهدوا بالله وسيبوا لعب العيال ده ورانا شغل "
وقبل ان يصمت الجميع رد ثالث: "انت بتشتغلنا لعب عيال ايه وانت اكثر واحد كروي في المكتب "..فرد عليه " انا.. لا والله انا اساسا بحس ان الكورة دي اساس البلاوي وهتودينا كلنا في داهية بعد ما قسمتنا وشتتنا وخليتنا نهاجم بعض "..فقال له زميله " انت مسمي  ولادك ابوتريكة وشيكابالا..فكيف تقول انك لاتتابع الكرة ولا تحبها " 
وهنا رد الوالد :"منهم لله اصحاب ولادي هما اللى طلعوا الاسامي دي ال يعني هيبقوا لعيبة زي ابوتريكة بتاع الزمالك وشيكابالا بتاع الاهلي " وهنا ضحك كل من في المكتب على الجملة الاخيرة .
ودارت دوامة العمل ونسى الجميع الكلام في الكرة ..حتى سمع صوت من الغرفة المجاورة وتساءل الوالد عن مايجري فقال له الساعي ان المدير ماسك في خناق الوكيل بسبب ان الاول يهاجم احمد شوبير والثاني يهاجم احمد الطيب ..وهنا جرى الزميلين الى مكتب المدير وظن الوالد ان الامور ستهدأ واذا بالصوت يعلو اكثر ويتوقف الجميع عن العمل لمتابعة ما يجري ..ولما حاول الوالد الاستفسار عن الوضع قال للساعي في رأيك من المخطئ فقال الساعي بالتأكيد هو وائل الابراشي .
لم يشأ الوالد ان يسأل من هو شوبير او من هو الطيب او من هو الابراشي وقرر ان ينصرف في هدوء في رحلة العودة الى البيت .
ولما وصل شعر بحركة غريبة  داخل بيته وصعد الى شقته فوجد زوجته تبكي وتصرخ فسألها مذعورا ماذا حدث ..فقالت له : "ملعون ابو الكورة جابتلنا الكافية" فسألها :"ماذا حدث " ..فقالت :"ولادك ابوتركة وشيكابالا  كانوا قاعدين بيتغدوا ومشغلين التليفزيون ولقيتهم بيتكلموا وشوية سمعتهم بيتخانقوا وده يقوله الاهلى هو السبب والتاني يقوله لا الزمالك اللى غلطان ..شوبير..لا الطيب ...الحكم ..لا الطرد غلط..كلام كثير مافهمتوش وفجأة ابوتريكة ضرب شيكابالا بالسكينة ...واحد خدته الاسعاف والتاني خدوه في البوكس .