نصائح للسيدات

كوني_ناجحة، فأغلب نساء مجتمعنا منشغلات بالعين والحسد أكثر من انشغالهن بعمل شيء يستحق أن يحسدوا عليه، فتذكري عزيزتي أن الخطبة، الزواج والإنجاب هي من الأمور الروتينية الطبيعية التي لا تعتبر إنجازات مذهلة تستحق منك إشعال البخور وقراءة المعوذات كلما خرجتي من المنزل، إنها أمور تحدث مع ملايين كل يوم. كما أنك لست الوحيدة، فتعلمي، وطوري ذاتك بعيدا عن الرجعية. كوني امرأة ناجحة في الحياة، وضعي بصمتك وبقوة في هذا المجتمع، واجعلي اسمك له معنى من حولك، كوني جديرة بأن يصفق لك الجميع، وكوني امرأه يسعون ليكونون مثلها، وكوني محبوبة يصدح المدح عند  ذكرك. كوني ممن يفخر أهلها بها ويتباهى زوجها بها ويتعالى أطفالها أنها أمهم، كوني متكاملة، واتركي التخلف والجهل بعيدا.
 
بتعرفي  متى  تكوني جبانة ؟!
 
يعني لما يكون عندك هدف ويكون عندك حلم ويكون عندك كل مقومات النجاح وتيجي عند لحظه ما،  تشككي بحالك وتخافي من الفشل..
لما تيجي تقارني حالك بفلانة من الناس وتحكي  ما زبطت معها كيف رح تزبط معي؟
 لما تقلدي فلانة من الناس بكل أفعالها وتصرفاتها وأحلامها وأهدافها وما تعملي لحالك فرق..
 لما تخضعي لافكار الناس ومعتقداتهم ومبادئهم..
لما تسمعي كلمة  من دون ما تكون عندك شخصية لتفكري وتناقشي وتقرري بنفسك..
لما تمشي ع نفس الطريق اللي مشيوا عليه اللي قبلك ..
لما تصحلك فرصة واديري وجهك عنها لأنها ممكن تكلفك شيء معين راح يخرب روتينك..
لما تعيدي نفس الغلط أكتر من مرة..
آه هيك بتكوني جبانة ودون شخصية ومن دون هدف ومن دون أي شيء بخليكي فيها إنسانة..
 إحنا بنخاف نكسر الروتين اللي عشنا عليه..
 إحنا بنمشي وراه الناس من دون ما نفكر إذا هالشي بينفعنا أو لا..
إحنا أصلا ما بنفكر  بدنا حد يفكر عنا بدنا حد يقرر عنا، بدنا حد يحدد مسيرنا ومسيرتنا حتى لو بدنا نوكل بتلاقينا بنسأل فلانة شو نوكل..
بنخاف نغامر، بنخاف نقرر بنخاف نفكر، بنخاف نجرب ونفشل على الرغم إن الفشل هو اللي بيصنع النجاح.. ماحدا نجح فجأة، وماحدا طلع الدرج فجأة، وماحدا تعلم يمشي إلا لحتى وقع.. تعالوا ما نهتم شوي، تعالوا نغامر ونحلم ونصنع هدف ونسعى إليه، ونكسر الروتين.. تعالوا نعيش عشان نرضي ربنا..  ونرضي حالنا بعيداً عن رضا الناس..
تعالوا نغامر بس بيقين ، تعالوا نجرّب بس بإيمان ، تعالوا نكوِّن الفرق بس بنظام، ما حدا مات جوع إلا اللي ما سعى على رزقه، ما حدا مات خذلان إلا اللي ما سعى لحلمه، ماحدا مات ناقص عمر.. بدك تحققي أحلامك ؟!  بدك تغامري بدك تصممي ؟! بدك تيقني بحالك إنك إنتي وبس القادرة على صنع الفرق.