كشف المخرج رامي إمام، عن تفاصيل الحالة الصحية لوالده الفنان عادل إمام، متحدثا عن مفاجأة في عودته إلى التمثيل مرة أخرى.

وقال رامي امام خلال لقاءه مع برنامج «et بالعربي»: «أنا مش محتاج أطلع أطمن الناس على الزعيم عادل إمام كل شوية لانه مفهوش حاجة، احنا طول عمرنا من وقت ما كنت صغير انا واخواتي واحنا بنسمع شائعات عننا وعنه، أما نروح شقة يقولوا عمارة عادل إمام لو بناكل في مطعم يقولوا بتاع عادل إمام فبقينا نتعامل مع الموضوع عادي وطبعا مع الوقت الشائعات بتتغير».

أضاف: «الناس بتقول أنه اكيد مريض لكن طبعا لا هو كويس جدا جدا جدا وبيستمتع مع أحفاده وهو الشائعات مش بتأثر فينا لأننا متعودين لكن هو شايف ومتابع كل حاجة وساعات بيتأثر بده بس عارف جمهوره كويس ومتفهم أن الحاجات دي طبيعية».

وعن إمكانية عودة عادل إمام للتمثيل مرة أخرى، أكد رامي إلا أن الأمر يعود إلى العمل الذي يعرض عليه، هو مستعد يرجع تاني عادي لكن هو مش عايز يكون موجود لمجرد التواجد، فإن شاءالله لو جاله عمل فني حلو فهتشوفوه تاني عادي.

 

    قد يهمك أيضــــــــــــــــًا :

ياسمين عبد العزيز تثير الجدل برسالة غامضة على لسان عادل إمام

عادل إمام يكشف كواليس لقائه الوحيد بأم كلثوم