أبدى الرئيس عبد الفتاح السيسي، سعادته بالحوارات الصريحة التى يجريها مع المواطنين خلال مؤتمر الشباب، قائلًا: "قعدة المؤتمر بستناها.. واللى بيحرمنى منها كأسرة واحدة المسئولية المجتمعية المشتركة، وأحنا مع بعض فى مركب واحدة عايزنها تعدى، وهتعدى، مش بالرئيس وبالحكومة بس، ولكن بينا كلنا بفهمنا للأوضاع".

وقال الرئيس السيسي خلال كلمته بجلسة "هنكمل الحكاية"، إن "السياسى بضاعته كلها المعارضة، إنما أنا عايز تبقى بضاعته الفهم الحقيقى، لأن الكلمة أمانة، والناس تسمعها منه على أنه عنده حل"، موجها حديثه للمعارضة قائلا: "أى حد عنده حل للتحديات اللى موجودة فى مصر يجى جنبى، وأنا أقوله اللى تخلصه أسقف لك عليه، وأخلى المصريين يسقفوا لك".

وتحدث الرئيس السيسي عن أصحاب الاقتصاد غير الرسمى للدولة، موضحًا أن الاقتصاد غير الرسمى هم المواطنين الذين يعملون وبياناتهم غير موجودة لدى الحكومة، ولا توجد لهم وثائق، ويعتقد أصحاب هذه الأعمال أن الدولة تريد بياناتهم من أجل تطبيق ضرائب، مخاطبًا أصحاب الاقتصاد غير الرسمى: "خشوا فى الاقتصاد الرسمى، وأنا بقول لكم معاكم 5 سنين إعفاء ومتدفعوش حاجة".وتابع الرئيس: "دخولكم فى المنظومة والاقتصاد الرسمى للدولة هتقدروا تخشوا للبنوك وتحصلوا منه على تسهيلات وتكبر صناعتك"، مؤكدًا أن الاقتصاد غير الرسمى للدولة يضخ فى المجتمع ويصرف على أسر كثيرة لا تعرفها الدولة وبياناتهم غير موجودة.

وأشاد الرئيس السيسى بأصحاب الاقتصاد غير الرسمى للدولة، قائلا "هما دول اللى بيخلوا الدولة وقفة رغم كل التحديات فى السبع سنوات الماضية، وفى ناس بتاكل عيش وبقولهم دخولهم فى الاقتصاد الرسمى هيبقى عندنا بياناتهم وعندهم فرصة يخشوا ويستفيدوا من التسهيلات اللى بتقدمها البنوك فى تطوير الصناعات".