انتقد الإعلامي عمرو أديب، خروج المصريين لأداء صلاة الجمعة، أمس، مؤكدًا أن كل المراجع الدينية في مصر أكدت ضرورة عدم الخروج للصلاة في المساجد، من أجل مكافحة انتشار فيروس كورونا.

وأضاف أديب، خلال حلقة اليوم من برنامج "الحكاية"، عبر شاشة "mbc  مصر": "مصر النهاردة كلها كانت في صلاة الجمعة، حد يعمل كده يا جماعة؟! حد يعمل كده؟! الحرم المكي والحرم النبوي اتمنع فيهم الصلاة، إيه فكرة إن الناس تروح تصلي الجمعة النهاردة".

وتابع: "لو حد بيقول لن تموت نفس حتى تستوفي أجلها، خلاص محدش يقول عالجني ولا اختبار ولا مستشفى، خلاص بقى نروح نقف قدام القطار ونشرب مياه نار".

وأردف: "لو مفيش صلاة جمعة إيه هيحصل؟! والنهاردة لو حد مات في صلاة الجمعة ذنبه في رقبة مين؟! يجب أن يصدر قرار بوقف الصلاة في المساجد، هيجرى إيه؟! ربنا موجود في كل حتة".