علقت الفنانة دينا على صورة نجلها "علي" وهي تبكي، قائلةً: "ابني ده الحب الكبير، مهما كنت رومانسية أو حبيت في حياتي، فأنا ماعرفتش معنى الحب بجد إلا مع ابني، لو كح بحس إني بموت، ده الحب الأكبر في الدنيا كلها".

وأضافت دينا، خلال حوارها مع برنامج "شيخ الحارة"، المذاع عبر فضائية "القاهرة والناس"، اليوم الإثنين، قائلةً: "حب ابني بيوجعني، ربنا يخليه في الدنيا ومايحرمنيش منه، نفسي أشوفه أحلى حاجة في العالم، نفسي يكون أحسن مني مليون مرة، ده أنا ما أقبلش غير أنه يبقى من أحسن الناس وأحسن حاجة في الدنيا".

وتابعت الفنانة: "أُمي ست عظيمة، جدي قال لي إنها ماتت بعد طلاقها من والدي، هي كانت صعيدية وكانوا بيمنعوها إنها تشوفني، بس هيّ عايشة جوا بيتي وفي حضني".