القاهرة - مصر اليوم
تحدث أحمد سامي المدير الفني لفريق سيراميكا عن منافسات الدوري هذا الموسم وحقيقة توقيع شادي حسين ومصطفى سعد للنادي الأهلي. قال أحمد سامي في تصريحات تلفزيونية: "ضغط المباريات كان سببا في تراجع نتائجنا في بعض المباريات ولدينا أزمة في إهدار الفرص السهلة وقفت عائقا أمامنا في كثير من المباريات هدفنا التواجد في مركز جيد بالدوري والتحضير للموسم الجديد". وأضاف: "فنيا الدوري المصري ليس أفضل شئ ولكن على مستوى التنافسية قوي جدا ولكن فنيا لن يكون قويا طالما الدوري مضغوط". وتابع:" الدوري في الموسم المقبل سيكون أصعب بسبب ضغط المباريات وتغيير نظام الدوري سيكون مغامرة بالنسبة لأغلب الأندية".
وواصل:" الفلوس بس مش هتعمل فرقة، وممكن لو جبت لاعيبة بفلوس كتير متاخدش اللي انت عايزه وانتقالات اللاعيبة مهمة المدربين مش إدارات الأندية، وأقصد بكلامي الاختيار والاقتناع الفني". وعن صفقات سيراميكا قال:"خلصنا بعض اللاعيبة ومش هنعلن عنها دلوقتي واحنا وضعنا احتياجات لكن المفاوضات هنعملها بعد نهاية الدوري". وعن شادي حسين ومصطفى سعد ميسي قال:"كل الأمور دي مش دلوقتي انا مبقفش قدام لاعيبة وهنشوف مع الإدارة المسؤولة عن القصة دي والأمور الفنية لسة مش مطروحة دلوقتي بالنسبة للثنائي وكل اللي بيتقال اجتهادات وأشك إن هما ماضيين في الاهلي النادي الكبير اللي بيتفاوض مع الإدارات مش اللاعيبة بس". وحول صالح جمعة لاعب الفريق قال:"صالح لاعب كبير ومهم ولما بينزل بيفيد الفرقة وبأمل إنه يعود لمستواه خاصة إنه موهبة من وجهة نظري مش هتتكرر في مصر ومحمد إبراهيم مددنا له عقده عشان عايزين كل العناصر الأساسية في الموسم الجديد وبنأمل للمنافسة على المربع الذهبي في الدوري الموسم الجديد".
قد يهمك أيضــــــــــــــــًا :
تشكيل سيراميكا كليوباترا لمواجهة إنبي في الدوري الممتاز
روى فيتوريا يجتمع مع رئيس نادي سموحة على هامش مباراة سيراميكا كليوباترا