كشف الكاتب الصحفي تامر أبو عرب، كواليس الصعود السريع للنجم المصري محمد صلاح في استفتاء أجرته شبكة إخبارية أميركية لأفضل لاعب في عام 2017 .
 
وقال "أبو عرب" في تدوينة عبر حسابه بـ"فيس بوك" : "القصة دي جميلة جدا وفيها عبر ومواعظ 1- شبكة ESPN الأمريكية عملت استفتاء للاعب العام وكان موجود في الاستفتاء محمد صلاح مع ميسي ورونالدو ونيمار وهاري كين ، 2- ولأن الاستفتاء على شبكة مش معروفة قوي للمصريين ميسي تجرأ وخد المركز الأول ب38?? وكان صلاح في المركز التاني ب32?? وطبعا رونالدو ونيمار وكين راحوا في الوبا".
 
وأضاف: "3- مواقع وصفحات الرياضة المصرية خدت علم بالموضوع فنشروا رابط الاستفتاء علشان الناس تدخل تصوت. حاجة كدة زي: (ياعصام إلحق أخوك صلاح بيتخانق على أول الشارع هات الرجالة من على القهوة وتعالى) ، 4 - بعد 85 دقيقة بالضبط من نشر الخبر بقت النتيجة زي ما انتوا شايفين كدة: صلاح 73?? ميسسسي ياعيني 15?? وباقي اللاعيبة راحوا يجيبوا الخضار باين".
 
واستدرك ساخرًا: " 5 - الدرس المستفاد من القصة الجميلة دي: أبو صلاح ميتحطش في استفتاء مع حد يا كلاب، يتم إعلانه أحسن لاعب في العالم على طول والجوايز تروح له لحد عنده، لأنكم لو حطيتوه في استفتاء عن أحسن حارس مرمى مع بوفون ونوير وشتيجن هو اللي هيكسب برضه" حسب تعبيره