وجه نجل رئيس نادي الزمالك أمير مرتضى منصور رسالة إلى العميد أحمد سليمان، وإلى جمهور الزمالك، بعد هروب مدافع الفريق الأبيض البوركيني محمد كوفي، وجاء نص الرسالة كالتالي:"
"للأسف رغم إنه مش وقته الكلام اللي هاقوله ده بس لازم التوضيح علشان من حق الجمهور يعرف إيه اللي بيحصل دلوقتي، والكلام ده بقوله بصفتي مشجع زملكاوي قريب من الأحداث، وكمان بصفتي متطوع أتفاوض وأتعاقد مع بعض اللاعبين و المدربين، عندما يطلب مني نظرًا إلى قربي من بعض اللاعبين سواء في الفريق أو في فرق الدوري، لازم الناس تركز في النقط اللي هقولها لأني بخاطب الجمهور الذكي الواعي اللي بيفهما و هي طايرة.
١- مش أي شخص ينزل صورة مع لاعب سواء مسؤول أو وكيل أو حتى أنا يبقى هو اللي جابه؛ لأن في مجهود كبير بيتعمل في مرحلة التفاوض مش عايزين نختذله في مين اللي خد الصورة، ٢-لا أنكر دور كابتن أحمد سليمان مثل باقي اعضاء المجلس في إنهاء الصفقات و الإنشاءات و جلب عقود رعاية تليق بالزمالك، ولكن السؤال كيف عرف جمهور الزمالك أن الكابتن أحمد سليمان، هو "جنرال الصفقات"، الإجابة عن طريق "سوشيال ميديا" والصور التي ينشرها الكابتن أحمد سليمان مع اللاعبين.
٣-سؤال إلى جمهور الزمالك، ماذا لو قام اي مسؤول آخر أو عضو مجلس إدارة غير الكابتن أحمد سليمان بنشر صورهم مع الصفقات؟، مثال لو المدير الإداري الكابتن حمادة أنور نزل صوره مع كل صفقات الموسم الحالي على "فيسبوك"، هل ده معناه إن حمادة أنور هو ملك الصفقات الجديد؟.
٤- سؤال مباشر لأخويا الكبير الكابتن أحمد سليمان، لماذا قمت بوضع شروط جزائية في عقود اللاعبين الشناوي و باسم مرسي؟ ولماذا لا تتحمل المسؤولية أمام الجماهير عن هذا الخطأ الجسيم، ما هي حاجة من الاتنين يا حضرتك اللي جبتهم الزمالك وتكون مسؤول عن بنود عقودهم كاملة، يا إما حضرتك لم تتفاوض معهم من الأساس، بالتالي ليس عليك التباهي والتفاخر بالتعاقد معهم، وبالتالي في ناس تانية مطالبة بتدارك خطأك و تعديل عقود اللاعبين و إلغاء الشروط الجزائية في عقودهم.
٥-ليه يا كابتن احمد أي لاعب من اللاعبين اللي حضرتك متصور معاهم لما بيجيب جول أو بيتألق حضرتك فورًا بتنزل صورتك معاه في إشارة إلى الجمهور إن الفضل ليك إنت لوحدك، مع العلم إن أي لاعب الزمالك تعاقد معاه بعد حضرتك ما استقلت و تألق".