كشفت سيدة في العقد الثالث من عمرها تفاصيل رفعها دعوى خلع أمام محكمة الأسرة. وقالت"ر.م": "زوجي شرط عليّ بعد الزواج إنجابي مرة واحدة فقط ووافقت على ذلك الشرط.. وبعد فترة من زواجنا خلفت طفلا.. كنت ببقى خايفة في أي وقت أحمل لأنه مهددني بالطلاق لو حملت تاني". وأضافت "بخلعه قبل ما يطلقني لأنه قالي لو جبت عيال تاني هيرميني".

تابعت: "كانت حياتي كلها قلق وتوتر بسبب ذلك الأمر وبالفعل حدث ما كنت أخشاه وعرفت أني حامل في شهرين ظللت أخفي ذلك الأمر عنه وتحدثت في الموضوع من بعيد لبعيد حتى أقول له الحقيقة بس مفيش فايدة كان مصمما أني لو عرف بالصدفة أني حملت هيرميني أنا وابني". وأضافت: "بعدما علمت نيته النهائية في موضوع حملي قررت أرفع دعوى خلع عليه وفي الحالتين مفيش مفر كدا كدا هيرميني أنا وابني، وبخاصة لما كلّمته في الموضوع تاني أصر على رفضه لأنه مبيحبش الأطفال بصفة خاصة.. لذلك سابقت في رفع تلك الدعوى".