كشف حمو شاكر، نجل اليتيوبر الشهيرة "ماما سناء"، على فيس بوك، أن والدته توفت بسبب إلتهاب رئوي وليس فيروس كورونا كما زعم البعض، وسرد تفاصيل بداية المرض. قال حمو، أن والدته كان تعانى في البداية من كحة شديدة فذهب إلى الطبيب وقال إنه اشتباه بفيروس كورونا، وطلب الطبيب أن نذهب بها إلى مستشفى الحميات، ولكن الأطباء رفضوا دخولها وبعدها قررنا أنا وأشقائي معالجتها في المنزل". وتابع حمو حديثه :"قبل ما نروح البيت اتصلنا على رقم ١٠٥ ومفيش حد بيرد علينا، روحنا القسم هناك علشان نعرفهم رد علينا الضابط وقال إحنا هنعملكم إيه، أنتوا هنا جايين تعملوا محضر في مين".

ودخل حمو في نوبة بكاء شديدة، المستشفى مش راضية تدخلنا، والدكاترة رفضوا يعملولها المسحة علشان نتأكد، يوم الثلاثاء اتصلنا بالدكتور علشان يجيلها البيت علشان يعرفنا هنعمل ايه معاها وازاي نعالجها، الأربعاء الصبح جبنلها الحاجات اللى هتساعدها أنها تخف والدكتور أخد عينة من أخويا شادى علشان يطمن عليه. واستطرد حمو، أخويا شادى أتصل بيا الساعه ٦ يوم الأربعاء قالي ألحق أمك مش قادرة تتحرك وجسمها كله عرقان، جبت الدكتور اللي بيعالجها ورحنا البيت علشان نوديها مستشفى المبرة اللي في كفر الدوار اللي هيا بتعالج الكورنا، روحنا هناك علشان أزعق معاهم أقولهم حد ييجي يشيل معايا أمي محدش عبرنا، دخلت الإستقبال بقول للدكتور أمى بتموت قالي ما تموت وأنا أعملها إيه".

واختتم :"محدش عبرنا هناك وده اللي حصل معانا وبيحصل مع ملايين الناس، ويقولك نسبة الوفيات بتقل.. مفيش الكلام ده، كمية ناس هناك بتموت من الالتهاب الرئوي، يا جماعة الكورونا مش بتموت الالتهاب الرئوي هو اللي بيموت".

وفاة ماما سناء

وفاة ماما سناء بعد صراع طويل مع المرض، أثار خبر وفاة ماما سناء موجة من الحزن بين متابعيها خاصة وأنها كانت تعاني قبل وفاتها من المرض، وخيم الحزن علي متابعين ماما سناء بينما دعا لها البعض بالرحمة والمغفرة وأن يدخلها الله فسيح جناته.

قصة "ماما سناء" وشهرتها على التيك توك

أقدمت ماما سناء على القيام بعدد من الفيديوهات الطريفة مع ابنها "حمو شاكر"، الذي اشركها معه في البداية للظهور في أحد الفيديوهات والذي كان يحمل إسم " التلات كوبيات وتحتيها المية جنيه" حيث لقي هذا الفيديو بعد نشره مشاهدات غفيرة تعدت ما يقرب من ١٠٠ مليون مشاهدة، ومن ثم اشتهرت ماما سناء وعرفة بالام علي تطبيق التيك توك وتم إجراء معها العديد من الحوارات التلفزيونية، منها استضافتها في برنامج "واحد من الناس" مع الإعلامي عمرو الليثي، والتي تحدثت فيه عن قصة حياتها وتفاصيل شهرتها وكثرة متابعيها علي مواقع التواصل الاجتماعي.

ماما سناء" أشهر يوتيوبر في مصر

"ماما سناء" أشهر يوتيوبر في مصر، حققت ماما سناء الكثير من الأموال والتي قالت عنها ماما سناء " أنها ونجلها يتقاسمان الأرباح التي يحصلان عليها من الفيديوهات" وقد حزن عليها ابنها "حمو شاكر" حزنا شديد خاصة وأنها كانت تلتقط معه الصور الفوتوغرافية وتقول له " حتي تجد بعد موتي ما يذكرك بي" .

قد يهمك أيضا : 

ابن كارمن سليمان يخطف الأنظار على السوشيال ميديا

شيرين عبد الوهاب تنعى اليوتيوبر ماما سناء