أقدمت «نانيس. ع» 33 عامًا، ربة منزل، على إقامة دعوى خلع حملت رقم 1588/2018 ضد زوجها «أسامة. م» 43 عامًا، مهندس مدني، بعد زواج استمر أشهر عدة، بسبب استحالة العشرة بينهما لاختلاف الثقافة والتربية.

اقرا ايضا : بعد 4 أشهر من الزواج مع إيقاف التنفيذ رنا تطلب الخلع

بدأت علاقة إعجاب منذ نحو 11 شهرًا، انتهت بالموافقة على الزواج بين الطرفين، لكن الخلافات بينهما بدأت سريعًا، تروي «نانيس»: «اتعرفنا على بعض في المكتب بتاعه كنت عايزة أجدد شقتي وجارتي نصحتني أروح له وحصل خلاف بيني وبين أحد مساعديه واشتكيت له وبدأت علاقتنا بعد ما خلصت الشقة.. انجذبنا لبعض بسبب ظروفنا المتشابهة لأن إحنا الاتنين مطلقين وعندنا أولاد».

بدأت خلافات بعد الزواج مباشرة، مضيفة: «أكتر حاجة عجبتني فيه فترة التعارف بينا إنه كان مودرن وذوق ومش شرقي عشان كده فكرت أرتبط بيه.. كان متقبل طريقة لبسي وتعاملي مع الناس وإني بادخن عادي لكن من أول ما سافرنا شهر العسل وبدأت شخصيته الحقيقية تبان كل الأقنعة اللي حاططها وقعت لأن ماتلبسيش ده بتكلمي ده ليه كده صوت ضحكتك عالية مع إن ده كان عادي قبل كده.. ومقارنتي بمراته الأولى أصلها كانت بتعمل وتخلي وكانت محجبة ومش عارف إيه».

وتوضّح الزوجة الثلاثينية: «عايزني أتعامل معاه على إنه سي السيد وأعمل كل حاجة بمزاجه وماشوفش صحباتي ولا أروح النادي عشان أنا ست متجوزة ومايصحش أدخل وأخرج من غير جوزي.. حتى طريقته في البيت كأنه راجل فلاح في الأرض بيلبس كلسون أبيض ولما جبت له بوكسر رفض يلبسه بحجة ده للعيال الفرافير هما اللي بيلبسوه مش راجل محترم وبيقعد قدام الشغالة ياكل على الأرض.. بس أهم حاجة برا البيت بيه عربية وساعة وبرفان يجنن وببدلة شيك جدا لكن البدلة تحتها كلسون أبيض وعقله كمان جواه راجل شرقي.. ماقدرتش أتحمّل الازدواجية دي أنا شابة صغيرة وعايزة راجل أستمتع بحياتي معاه.. فلجأت لمحكمة الأسرة لأنه بقاله شهرين مش بييجي البيت ورافض يطلقني».

قد يهمك ايضا : سيدة خمسينية تطلب الخُلع وتُؤكد "زوجى جزار بني آدمين"

                حبس زوجة استغلت سفر زوجها لممارسة الرزيلة مع عشيقها