تحدث المطرب الشعبي حمدي باتشان عن أسباب غيابه عن الساحة الفنية لمدة تقارب الـ15 عامًا، بعد أغنيته "إيه الأساتوك ده"، والتي حققت نجاحًا كبيرًا وقت طرحها، قائلًا: "اللي حصل إن أول ما طلعت الغنوة كان في المرحوم الأستاذ حمدي سرور المدير العالم على رقابة المصنفات، كتب عليه قصيدة شعر إن أنت بتنتقد السلبيات في مجتمعنا لما نجحت الغنوة قال معرفش حاجة عنها".

وتابع باتشان، أثناء حلوله ضيفًا على الإعلامي توني خليفة في برنامجه "أسرار من تحت الكوبري"، على قناة "القاهرة والناس": "هم بقى عطلوني شوية، في التوقيت ده الأستاذ أحمد فؤاد حسن بعت جوابات من النقابة ممنوع اشتغل، كانوا موقفني".

وكشف باتشان عن عمله مع الفنانة الراحلة صباح، حيث غنوا معًا في باريس، قائلًا عنها: "هي فنانة كبيرة جدًا في كل حاجة، في تعاملها مع الناس شياكة الدنيا، شياكة وأدب جم كدة، حد حابب الحياة، فببتعامل بدون نرجسية، جميلة فبتحب الناس كلها".