قال الرئيس عبد الفتاح السيسي، إنه يعمل على إنشاء مشروعات قومية كبرى من أجل تحسين حياة المواطنين للأفضل، «هل إحنا في حاجة لتوفير السلع الغذائية للناس ولا تغيير حياة الناس؟، إحنا عاوزين نعمل الاتنين، نوفر السلع الغذائية، ونغير حياة الناس في التعليم والصحة وفي الإسكان وفي كل شيء، المشروعات دي بتعمل تشغيل للشباب».وأضاف «المشروعات دي بتدي فرص تشغيل لكل الناس، يلاقي حاجة آخر النهار يخش بيها على بيته، حجم المشروعات أتاحت فرصة إني أضخ أموال لناس أنا مش هشوفها ومش هقدر أوصلها، بوصلها من خلال الشركات اللي بتخليهم يشتغلوا، صدقني والله، على عيني اللي إحنا فيه، ربنا وحده اللي يعلم، ربنا يقوينا جميعا».

وقال الرئيس عبد الفتاح السيسي، إن الدولة المصرية كانت تحاول التحرك سريعًا بعد الخروج من جائحة كورونا من أجل تحسين الأوضاع، «كنا لسة خارجين من كورونا، وكنا بنبتدي نتحرك تاني عشان نحسن أوضاعنا، لكن شاءت إرادة الله أن يكون فيه أمور تانية وتطورات عالمية، وربنا يعديها على خير».وأضاف الرئيس السيسي : «بحاول أقول للناس إحنا بخير، والأمور ماشية كويس، عندنا الأساسيات اللي مطلوبة متوفرة ومتوفرة كويس، بعدد شهور مناسب، وده أمر حرصت عليه خلال السنين اللي فاتت، يبقى عندنا احتياطي استراتيجي 4 شهور على الأقل، ونقدر نعمل أي إجراء مناسب لأي طارئ، مفيش نقص في السلع، لا زيت ولا رز ولا سكر ولا شاي ولا أي حاجة».

 وأعلن الرئيس عبد الفتاح السيسي، إن هناك 3.7 مليون أسرة في مصر ضمن برنامج «تكافل وكرامة»، ورغم أن المبلغ الذين يتقاضونه ليس كبير، إلا أن تكلفته 19.5 مليار جنيه، «الرقم اللي بنديهلهم مش كبير، وبنحاول نزود القصة في شريحة أكبر، فيه إجراءات هتعلن خلال اليومين اللي جايين خاصة بإجراءات حماية اجتماعية أخرى عشان نواجه التطورات اللي بتحصل في العالم 

وأضاف «التطورات دي مش بإيدينا لكن تأثيرها علينا، نتكلم في أسعار قمح وأسعار وقود، وحركة تجارة متلخبطة، ونتكلم في أزمات كبيرة، العالم متصل ببعضه، مش منفصل، تأثيرات التطورات دي بتبقى على الكل».

وأشار الرئيس عبدالفتاح السيسي إن هناك مئات الآلاف من السيدات في مصر التي تحتاج إلى المساعدة.  قائلا «ربنا اللي يعلم إني أنا شايفهم وحاسس بيهم وبجري على أد ما ربنا يقدرني».وتابع: «جهد الدولة أقصى ما يمكن عمله، لكن أقصى ما يمكن عمله غير كاف. عاوزين نكون أمناء مع نفسنا وقضيتنا، مواردنا ودخلنا مش على قد حجمنا خالص، حتى مرتبات الناس ودخلهم لا تتناسب مع حياة كريمة للأسر والبيوت».وواصل الرئيس السيسي: «الدنيا ماشية، لكن إحنا بنبذل أقصى جهد وربنا وحده اللي يعلم عشان نحاول نحسن من أوضاعنا ويبقى فيه شغل في البلد، لكن طول ما عدد سكاننا بيزيد بالطريقة دي فالمشكلة هتبقى دايما صعبة وإيجاد حل لها عاوز توفيق كبير من ربنا».

   قد يهمك أيضــــــــــــــــًا :

الرئيس السيسي يؤكد الاعتزاز بعمق العلاقات الوطيدة بين مصر ولبنان

الرئيس السيسي يصدّق علي تعديل بعض أحكام قانون سوق رأس المال