أحيا الفنان الشاب محمد إبراهيم يسري الذكرى السادسة لرحيل والده الراحل ابراهيم يسري ، وذلك عبر صفحته الشخصية بموقع "انستجرام ". ونشر نجل الفنان الراحل صورة من طفولته مع والده، وعلق عليها قائلا: “ الوقت مابيعديش من غيرك يا هيما... عدي ٦ سنين بس حاسسهم عمر من غيرك... كان نفسي اوي تبقي موجود معانا و تشوف كل خطوة بناخدها في حياتنا... كان نفسي افرحك يا حبيبي” . وتابع "ادفع عمري كله و اشوف ضحكتك تاني.. صوت المفاتيح و انت راجع من التصوير.. ابتسامتك و انت داخل عليا الاوضة و بتقولي من غير اي مناسبة "انا بحبك اوي يا حبيبي".. اللي مصبرني اني عارف انك عند ربنا و انك اكيد حاسس بينا و اني ان شاء الله هشوفك قريب يا حبيبي" .

وأضاف" الوقت مبيعديش يا هيما.. لا الوقت بيعدي ولا الوجع بيقل... ربنا يرحمك يا حبيبي و كل سنة و انت طيب و مبسوط في جنة ربنا يا رب... نسألكم الدعاء ♥️".
ويشارك محمد يسري في مسلسل ضل راجل الذي يذاع يوميا على قناة الحياة في تمام الساعة 11:30 مساء،  بطولة ياسر جلال، ونرمين الفقي، ونور اللبنانية، ومحمود عبد المغني، ورنا رئيس، وإنعام سالوسة، ومحمد عادل، وعصام السقا، أحمد منير، والعمل من تأليف أحمد عبدالفتاح، وإخراج أحمد صالح.