شهدت مدينة فاقوس في محافظة الشرقية، حالة من الاستياء والغضب بين الأهالي، بسبب قلة الامكانيات داخل مستشفى فاقوس العام، وانعدام الرعاية الطبية اللازمة للمرضي، ما يٌعرض حياتهم للخطر.

و تداول نشطاء على موقع التواصل الاجتماعي " فس بوك " صورة توضح حمل أهالي الأطفال المرضي، بقسم الأطفال بمستشفي فاقوس العام، عبوات المحلول التي تم تقديمها لأطفالهم لعلاجهم داخل المستشفي بأيديهم ووقوفهم على ارجلهم، لعدم وجود حامل للمحلول، ما يٌسبب الاذي لهم.

وقال نبيل أحمد، أحد أهالي مدينة فاقوس، "انا مش عارف المسئولين عايزين مننا ايه، مش كفاية المعاناه اليومية اللي بنٌعانيها بسبب إهمالهم في المياه والطرق والصرف، كمان جايين على الأطفال، ومش قادرين يوفروا الرعاية الطبية ليهم ".

 وتابع نبيل:" والله حرام عليهم لما اروح بطفلي المستشفي ومالاقيش حد مهتم لا طبيب ولا ممرضه، ولما يحنوا علينا ويكشفوا عليه، يحملونا كل شئ والدواء بنجيبه من الخارج لعدم وجوده بالمستشفي، وكمان نفضل احنا اللي واقفين ماسكين المحلول في ايدينا خوفًا على صحة الأطفال لأنه لا يوجد حامل للمحلول".