كشف الفنان أشرف زكي، خلال تصريحات تلفزيونية، عن رأيه في تبرع الفنان ياسر جلال لصندوق تحيا مصر، مؤكدً إنه من أكثر الفنانين المتبرعين لنقابة المهن التمثيلية.

 وقال الفنان أشرف زكي: هي الناس مش عارفة الأدوار اللي بنعملها، وفعل الخير مش محتاج إننا نعلن عنه، عاملين جروبات وبنكفل زملائنا المحتاجين، والمرضى، وزملائنا اللي بيرحلوا وأسرهم، إحنا مبنتأخرش، وأما بعمل نداء بيتم استجابته بعد دقيقة.

وإضاف إشرف زكي: كان في زميل توفاه الله عضو في نقابة تانية، وقسمًا بالله زملائنا الفنانين اتحركوا في 5 دقائق، والمبلغ تم تجميعه، وبنعمل ده لأن ده رد الجميل لبلدنا، وفي الآخر إحنا مصريين، وهنطلق مبادرة رد الجميل.

 وتحدث أشرف زكي عن تبرعات الفنان ياسر جلال لـ النقابة، وأكثر الناس الذين يتبرعون للنقابة، قائلا: أولًا مش في دماغنا نطلع نقول ونعمل تريندات ياسر جلال أكتر واحد بيساهم وبيتبرع لزملائنا في النقابة وبيحلفني إن محدش يعرف، وبقوله سامحني، ولسه هو باعت من أيام قليلة تبرع محترم جدًا لزملاءه المحتاجين في النقابة، وقالي لو قولت ده أقاطعك، وأكتر من مناسبة بلاقي ياسر باعت شيك لحساب النقابة وبيقولي ده أقل حاجة لزملائي في النقابة.

قد يهمك أيضــــــــــــــــًا :

أشرف زكي يُكشف أسباب تعاقد نقابة الممثلين مع شركة تنظّم جنازات الفنانين

أشرف زكى يُطالب الفنانين بسرعة سداد الضرائب