أثارت الفنانة نجوى فؤاد، خلال لقائها التليفزيوني مع الإعلامي نزار الفارس بقناة "دجلة" جدلاً كبيراً بتصريحاتها عن حقيقة زواج الفنان الراحل عبد الحليم حافظ والسندريلا سعاد حسني، حيث قالت: "رقصي مع العندليب عبد الحليم حافظ في أغنية قولوله الحقيقة كانت بوابة النجاح رغم إني كنت كومبارس، عمري وقتها كان 16 سنة، واتعمل ليا مستخرج رسمي بإن عمري أكبر من كده علشان مينفعش أدخل مكان فيه خمور وأنا طفلة".

وتابعت: "عبد الحليم حافظ كان شخص جميل وأخلاقه جميلة وإنسان متواضع وكل يوم عند أصحابه بيقعد على الأرض ويمسك الدف ويغني".

وأضافت: "حبيت عبد الحليم حافظ كإنسان وفنان وعجبني أسلوبه مش كحبيب لأنه كان بيحب سعاد حسني أيامها وهي كانت صديقتي".

وأكدت: "عبد الحليم حافظ متجوزش سعاد حسني واللي يقول إنه اتجوزها غلطان وأختها اللي قالت إنه اتجوزها غلطانة، هو كان بيحبها بس متجوزهاش لأن صحته متسمحلوش إنه يتجوز بدون تفسير لأن مينفعش أطلع سر إنساني زي ده".

وأوضحت: "عرفت أن صحة عبد الحليم حافظ متسمحش له إنه يتجوز لأننا روحنا معاه عدة مرات للأطباء، وقعدنا معاه وهو مريض وبيتنقله دم، واللي بيقول إنه اتجوز سعاد حسني يطلعوا ورقة الزواج يمكن إحنا غلطانين".

قـــد يهمــــــــك أيضــــــاُ : 

نيللي كريم تردّ على اختيارها لتقديم سيرة نجوى فؤاد

نجوى فؤاد تكشف سر فشل زيجتها بـ أحمد رمزي