كشف المخرج رامي إمام عن ذكرياته مع أغاني النجم عمرو دياب، وقال عبر حسابة على "إنستجرام": "في أواخر التمانينات كان نفسي أحضر له حفلة، وأول ما سمعت أنه هيعمل حفلة في نادي الجزيرة، جريت وجبت تذكرة بالعافية علشان أكون موجود".

وتابع: "لما عمل حفلة في العجمي على البحر كنت أول واحد موجود.. وفي التسعينات كنت بجري وراه في حفلات الكريسماس ورأس السنة علشان بس اسمع الألبوم الجديد بتاعه.

وأضاف قائلا: "في الألفية الجديدة، وبالذات بعد تملي معاك، كنت بلفلف في الشوارع علشان اسمع أغانيه وأشوف أخد المزيكا لفين وكان من أحلامي إني أقابله وأتصور معاه.. وفعلا حصل".

واستكمل قائلا: "وبعد ما سمعت الألبوم الجديد "كل حياتي"، تأكدت أن لقب "الهضبة" ده مش من فراغ، ده نتيجة تعب وشقى سنين وكفاح وصبر وحب للموسيقى غير عادي، وأهم حاجة التطور".

وأختتم برسالة وجهها للميجا ستار قائلا "صديقي عمرو دياب ما كنتش عايز اقولها بس حقولها الكبير كبير".