"الست اللي كسرت جهاز تنفس صناعي دي لازم تتضرب بالجزمة، ده بمقام طيارة حربية في الحرب دلوقتي".. هكذا علق الإعلامي المصري، عمرو أديب، على واقعة تحطيم سيدة لجهاز تنفس صناعي داخل المستشفيات في مصر.
كما علق "أديب" على اتجاه بعض الدول لزيادة رواتب الأطباء 6 أضعاف ما كانت عليه، قائلاً: "دلوقتي الدكتور اللي بيمشي مبيتعوضش، وزيرة الصحة بقت تلف على الأطقم الطبية وتسألهم عاوزين إيه وناقصكوا إيه، وزيرة الصحة عارفة إن الناس دي بتشوف اللي محدش بيشوفوا".
وتابع خلال برنامج "الحكاية" الذي يذاع على قناة mbc مصر: "والله لو أدوني فلوس الدنيا عشان أعدي من قصاد مستشفى كورونا مش هعمل كدة، لكن الدكاترة بتتعامل مع كل ده ومقبلين على ده من غير خوف، يجب أن تتعامل مع الطبيب بمنتهى الاحترام، قم للطبيب وفيه التبجيلا، العالم كله بيقدر الطبيب، ده في فيديو مؤلم جدا لواحدة بتعاير دكتورة لأنها بتتعامل مع مرضى فيروس كورونا وبتعالجهم وبتقولها يلا من هنا يا اللي عندك كورونا، بكرة لما ابنك يجيله المرض تروحي تبوسي إيديها"، موضحًا: "أمريكا فتحت باب الهجرة ليها، قالت أي دكتور عاوز يجي ينور، واحنا لينا دكاترة شهداء في أمريكا قاموا بواجبهم".

قد يهمك أيضا : 

تركي آل الشيخ ينشر فيديو جديدا مع ميسي وعمرو أديب

 عمرو أديب يُعلق على تغريدة مذيع الجزيرة