القاهرة ـ مصر اليوم
كشف الفنان بيومي فؤاد عن نصيحة الزعيم عادل إمام له، مؤكدا أنه نصحه بضرورة قوة الرفض.
وأضاف في لقائه مع الإعلامي شريف عامر في برنامج "يحدث في مصر" على قناة "إم بي سي مصر": «الأستاذ عادل إمام لما قعد معايا قاللي: «خلي لأ عندك في قوة آه»، فأنا مش عارف أقول لا أصلًا».
وتابع: «أصل هقول إيه لواحد جاي بيحلف لي إنه خد قرض عشان يعمل الفيلم ولو متعملش هيتخرب بيته».
وأوضح: «وأقوله السيناريو وحش، يقوللي عدل السيناريو زي ما أنت عايز أصل التوزيع بيستعجلني أوي».
واستطرد: «وبعدين اكتشفت إن فيه حد بيجبني يوم على إني ضيف شرف، وبعدين أتفاجئ إني أحد أبطال الفيلم، وساعات بنروح نجامل في تصوير اليوم الواحد ومبرضاش آخد أجر، ويفضل المنتج يصر عليا فأقول: إيه الراجل الكريم ده؟ ودايماً بيبقى اعتذاري بجملة معنديش وقت لأن لو جه الورق واتكلمنا في فلوس هيبقى بيومي بيعتذر عشان مش عاجبه الورق أو الفلوس، فبقول معنديش وقت، واللي بيكلموني دلوقتي بقولهم نتكلم بعد رمضان بساعة».
قد يهمك أيضــــــــــــــــًا :
بيومي فؤاد يكشف للمرة الأولى تفاصيل أزمته الصحية ونصيحة عادل إمام له