كشف الفنان بيومي فؤاد العديد من أسراره المهنية، مؤكدا أنه يشارك في بعض الأفلام كضيف شرف ثم يفاجأ بأنه بطل في الفيلم.

وأضاف في لقائه مع الإعلامي شريف عامر في برنامج يحدث في مصر على قناة ام بي سي مصر: «حكاية ضيف الشرف بتكون مجاملة يعني لما أجيب نجم زي كريم عبدالعزيز أو أحمد عز وأجيبه يوم، هديله كام؟ إيه اللي يجيبه بقى أن المشهد اللي رايح يعمله ده واو».

وتابع: «البطولة الجماعية دي شىء جميل جدًا، وأنا بقعد أقولهم لا أنا بطل ولا نجم ولا أي حاجة في الدنيا، فأنا مرضي جدًا باللي أنا فيه».

وأوضح: «أنا سعيد بالدور التاني والتالت والرابع.. ما هو مش عظمة إنك تتفرج على فيلم ساعتين فيه بيومي فؤاد دقيقتين تفتكره ده عظمة».

واستطرد: «لاقيت واحد بيكلمني من أسبوع على فيلم بطولتي في الخليج فقولتله إمتى؟ أنا معنديش وقت، قاللي لا ده هو يوم واحد تصوير، استغربت!! وقولتله بطولتي وفي يوم واحد تصوير؟! قاللي آه، والفيلم هيتصور في 4 أيام، وفي فيلم ليلة هنا وسرور، أحمد فهمي جاي ضيف شرف، وعدد أيام تصويره أكتر مني».

قد يهمك أيضــــــــــــــــًا :

بيومي فؤاد يكشف نصيحة الزعيم عادل إمام له

أيتن عامر تلتقى بيومي فؤاد في فيلم "عنب" بعد "مندوب مبيعات"